 |
Aslaug Lehmann, født Ekanger (1905-1997) - Til Minne (Bergensavisen den 12. oktober 1997)
TIL minne
Lækjar Aslaug Lehmann, Rådal er avlidi på Storetveit sjukeheim der ho hadde vore i dei siste tri åri. Men mann og born vitja henne dagleg der i den lange tidi.
Aslaug Lehmann var nordhordlending, ho var dotter til lensmann Ingvald Ekanger i Hosanger, og ho tok medisinsk embetseksamen på Universitet i Oslo i 1935. Same året gifte ho seg med presten Eigil Lehmann, og ho var lækjar på dei stadene der han var prest, fyrst i tvo år på Modum, so i ei lang årrekkja i Skjold i Rogaland, og so etter at dei kom til Birkeland i Fana og endeleg til det nye Nordås prestegjeld. Dei siste lækjaråri hadde Aslaug Lehmann på Neevengården Sykehus, det som no ber namnet Sandviken sykehus.
Lækjararbeidet var krevjande ved sida av at ho var prestekona og mor til fem born. Og lækjargerningi hev lokka tvo av sønene hennar, Egil Henrik Lehmann er lækjar i Haugesund, og Vidar Lehmann er yverlækjar og professor på Haukeland sykehus.
Aslaug Lehmann var fødd 5. mars 1905, i sjølve frigjeringsåret, og ho vart soleis yver 92 år. Frå ungdomen var ho sterkt interessert i målreisingi, ho var aktiv i Vestmannalaget, Vestlandske Mållag og Ivar Aasen-sambandet, og ho stødde godt upp um det store arbeidet som mannen hennar fekk gjera, med ordbøker so ruvar, og med skaldskap av sjeldsynt kvalitet. Dei var samen i arbeidet, dei stødde kvarandre, og godt upp um det store arbeidet som mannen hennar fekk gjera, med ordbøker som ruvar, og med skaldskap av sjeldsynt kvalitet. Dei var saman i arbeidet, dei stødde kvarandre, og Eigil Lehmann rekna hennar bygdemål for eit av dei mest konsekvente og ekte.
Aslaug Lehmann var eit vensamt menneske. Ho var hjelpsam, og ho lyste upp der ho var med. Ho hadde mange interessor, og ho hadde sine hjartesaker. Born og verborn, barneborn og oldeborn, og vener i stort tal minnest henne i takksemd.
Ludv. Jerdal |
Slektstavle til 
1905 - 1997 (92 år)
Has ingen aner men 5 etterkommere i Familietreet.
Eigil Lehmann, f. 29 Jan 1907, Bergen, Hordaland, Norway 
Nålevende
