Tore Johannesson vart med garden etter foreldra sine. Han var født ca. 1620, skifte 25. mai 1684. Gift meg Kari Jensdatter Våge, født ca. 1620, skifte 18. mai 1688. Ho var dotter åt Jens Hansson i Bandaberg og kone Åsa Olsdatter. Ho var med andre ord søster åt Susanna og Hans, som er omtala her ovafor. Jens Hansson budde først i Bandaberg, vart seinare lensmann i Jelsa og budde då i Våge, Erfjord. Sjå elles Jelsaboka s. 51.
Tore og Kari hadde desse borna:
a) Jens, født 1657. Utanlands ved skifte etter mora 1688. Kom truleg ikkje att.
B) Mette, født 1660. Gift med Jon Olson Åsland, Hjelmeland.
c) Johannes, født 1661. Sjå nr. 5 nedanfor.
Johannes, far åt Tore, måtte nok i si tid ha vorte med heile garden. Det kan me rekna oss til når me ser på dei partane i garden som Tore sine søsken hadde erva, og som dei seinare selde åt Tore. Laurits selde parten sin, 18 mrk. smør, til Tore 23. juli 1672. Då hadde sjølvsagt og Tore erva 18 mrk. i garden. Omlag samstundes fekk han kjøpe 3 søsterpartar i garden, kvar på 9 mrk., til saman 27 mrk. Av søstera Magla som var spedalsk, fekk han hennar 9 merker smør jordegods i Eide, mot at ho skulle ha hus og tilsyne hos han. Om me nå summerera opp to brorpartar å 18 merker og 4 søsterpartar å 9 merker, så får me sumen 72 merker smør, som er det same som ein laup. Då vanta det 6 mrk. smør, men det hadde truleg Tore vorte ved tidlegare.
At Tore kjøpte søskena sine partar i Eide, fekk seinare eit rettsleg etterspel. Den 19. sept. 1672 heldt futen Niels Christensøn ting med ålmugen, «for deris schatters Erlegelse.» Det heiter frå dette tinget om Tore, at «Item var och Steffnt Thorre Eie for hans goedtzes tilkomst han fritager i Eye, nemblig j Løb och Sex Mrk». Tore la fram kjøpebrev på 27 merker, kjøpt av dei 3 søstrene sine. Så nemner han søstera Magla som er spedalsk og seier at han har fått odelsgodset hennar, 9 mrk. mot at ho skal ha underhald av han. Vidare legg han fram kjøpebrev frå broren Laurits i Stavanger på brorparten hans i Eide, 18 mrk. Desse 18 merkene hadde nok ikkje Tore gjeve opp at han åtte. Det var nemleg ikkje skattlagt og fall til kongen, eller som det står i tingboka: «Aff Huilket goedtz som Nyelig er meldt ey findes Nogen Schat wdgifuit, derwdinden Fougden paa dedtz Forbrydellse protesterir. Herom saa sludted att efferdj iche aff dj 18 Mrk. godtz findes schatet til Ko:Ma: er dj som billigt forbrudt, och Thorre Landschylden til Ko:Ma: foget her efter deraff att Lehuere.»
Då eldste son åt Tore og Kari, Jens, ikkje kom heimatt — han var truleg sjømann — tok yngste sonen, Johannes, over garden. |
Slektstavle til 
1620 - 1688 (~ 68 år)
Has ingen aner men 352 etterkommere i Familietreet.
1620 - 1684 (~ 64 år)
