Rasmus I. Person U-Berge, (*1614 — før 1677), (Gen. 1641 — 1668). Skifte 1677 24/4.
Brukar 1647 - før 1677.
Gift 1. gang i ca. 1640 med Marita Torgersdtr. (Byrkja i Årdal), (- før 1676).
Dotter til Torger (Ingebretson?) Byrkja.
Gift II. c. 1676 med Marita Andersdtr. (Byrkja), (- 1708 grl. 4/3).
Dotter til Anders Kjeranson Byrkja og Marita Finnsdtr. (Fevoll).
Marita Andersdtr. vart gift II. (e. 1677) med Asbjørn Rasmusson ( ) U-Berge, som fekk gardsbruket etter Rasmus.
Rasmus var son til førre brukaren.
Rasmus Person var gift to gonger, og begge konene heitte Marita. Den andre kona, Marita Andersdtr., var av den gjæve ætta frå Byrkja i Årdal herad, tidlegare Hjelmeland skipreide. Det veit me. Og den første kona, Marita Torgersdtr. var visseleg av same ætta, vil me tru. Dei to konene var nok firmenningar, så kongebrev trongst ikkje.
Farfar til Marita Torgersdtr. kjenner Årdalsboka ikkje namnet på, men det lyt ha vore Ingebret. Ingebret-namnet kom inn i Bergeætta ifrå Byrkja.
Skyldskapen må ha vore slik som tabellen syner.
Rasmus Person er nemnd som nr. 3 av fire brukarar på U-Berge i eit brev frå 1648 i Bergearkivet. [Brev nr. 15 om «Krage» Øydegard]
I manntal 1649 (den prenta skattematrikkel frå 1647) er enkja, dvs. mor til Rasmus, førd med 11/2 pund korn (= 108 mrk. smør), og det var heile Toreparten. Manntalet var vel ennå ikkje retta opp med dei nye brukarane.
I manntal 1661 er Rasmus like eins den eine av fire brukarar på garden.
I prestemanntalet 1664 har me Rasmus Person med tenar Anders Torgerson (truleg bror til kona hans?) på dette bruket, og i futemanntalet same året Rasmus Person, nr. 2 av 5 brukarar, 50 år. Difor fødd *1614.
I Bergearkivet i året 1672 seier borna hans Per Toreson: «Vi to brødre, Rasmus og Tore (= på Toreparten) har alltid skattet av 6 vetter (= 108 mrk. smør) og våre granner (= på Rasmusparten) av 6 vetter.» [Bergearkivet, brev nr. 22]. Desse to ovanfor nemnde brørne, Rasmus og Tore, sat på Toreparten, den eine helvta av U-Berge, og på den andre helvta, Rasmusparten, sat på denne tida Rasmus Jonson, Rasmus Toreson og Knut Person (eller Per Gunbjørnson?). Rasmus-namnet hadde spreidd seg slik at det nå sat tre brukarar med same Rasmus-namnet samstundes på Bergegarden!
I manntal 1673 sit og Rasmus på denne parten av U-Berge. Det er truleg han som i manntalet vart kalla «Gamle Rasmus». Dei andre er kalla «Store Rasmus» og «Litle Rasmus». Og så var det Tore (= broren, på bruk IIB) og ein Per, som truleg var son til Rasmus Person.
På skattetinget på Forsand den 30. november 1657 står det i tingboka at «Henrik Hansson, borgermester i Stavanger, stevnte Rasmus Person Berge for ei børse som han hadde lånt Nils hovsmed, hvilken børse finnes ennå hos ham. Bør borgermester å følge (= få) sin børse igjen etter loven. RB: 19 kap. Bør Rasmus å søke sin mann og hjemmel, om han kjenner seg missholden.» [Tb.A 26, 75a]
Rasmus Berge — ein av dei tre som heitte så på U-Berge —vitna på tinget den 23. juni 1662 i ei sak mellom Tore og Tor-kel Helle. [Tb. A29, 19] Sjå Helle.
Rasmus Person Berge vitna og i ei sak som var oppe på tinget den 30. november 1671 der Tormod Haukali stemnde Endre Forsand for ein hest som vart drepen. [Tb.Ba 8, 25 b] Sjå Haukali.
I tingboka for 27. november 1678 står det at «Asbjørn Frafjord stemnde Rasmus Person U-Berge for 8 rdlr. som han var god for Ola Tveit. Denne sak var stevnt til høst-tinget forgangen år.
Da forliktes Rasmus Person seg med fornevnte Asbjørn Frafjord at han skulle betale Asbjørn i gode måte.
Der om frem kom å prove Tore Person og Rasmus Toreson Under berg, som provet at nå (om) to år forleden, da leding-og sake-ting ble holden på Nag, hvor for' Asbjørn da hadde stevnt Rasmus Person i rette for samme skyld, da ble de således med hande-band forlikte at Rasmus Person lovte å betale for" Asbjørn i gode måte. Og dermed kom saken ikke videre for retten.
Herpå var Asbjørn Frafjord dom begjærende. Da ettersom det nå med tvenne lovfeste(de) vindesbyrd Rasmus Person over-beviste å ha lovet for"' Asbjørn Frafjord forskrevne 8 rdlr. i all gode måte å betale, Rasmus Eilevson Lyse og Ola Tronson i Bakken (= Sabakken) provet Rasmus Toresons ord, som nå ligger syk, hvis (= det som, hva som) Rasmus Person hadde opp(e)båret av Ola Tveit for samme skyld, nemlig et øyk for 4 dlr., en kvern for 3 rdlr., en øks 1/2 dlr. og bygde for hans bror for (overstroke) 1/2 dlr. Her-om avsagt det (= at) for" Rasmus Person bør sin løfte å etterkomme etter for-skrevne prov og for" 8 rdlr. betale og sin løfte å full-byrde etter loven. Eller det av hans bo ha å ut-vurderes med Kong. May. sekt». [Tb.Ba 13, 34 b.]
I saka om skiftet etter Isak Vigleikson i Stavanger var Rasmus Person Berge ein av dei tre «bytesmennene». I denne saka som var oppe for tinget den 3. desember 1677, står det: «Rasmus Person nå ved døden er avgangen. På hans vegne møtte hans sønn Per Rasmusson og Ola Løland på Gunbjørn Rossaviks vegne, ettersom Gunbjørn var i byen med knektene.» [Tb.Ba 14, 32 b]
Den 24. april 1677 vart det halde skifte etter Rasmus Person Berge. Marita Andersdtr. var enkja. Det er nemnde 7 born i dei to ekteskapa, med andre kona: Anders og Gunhild. Borna er nemnde i skiftet i den rekkjefylgja som dei er før-de her nedanfor.
Av jordegods er oppskrive 14 spann korn (= 42 mrk. smør) i U-Berge.
Borna var:
Av I. gifte:
1. Per Rasmusson U-Berge, (c. 1640 — c. 1695).
Gift c. 1660 med Åsa ( ).
Per fekk halve bruk IIA, sonaparten.
2. Kari Rasmusdtr. (U-Berge) Eikeskog, (*1642 — 1727 grl. 6/4), 85 år.
Gift I. c. 1675 med Ola Torbjørnson Eikeskog, (16.. — 1678), skifte 7/5.
Son til Torbjørn Olson ( ) Eikeskog og Joren Torsteinsdtr. (Kommedal).
Ola var gift I. med Marita Torkelsdtr. (Gilja).
Gift II. c. 1680 med Ola Nilsson (Ø. Maudal) Eikeskog,
(1.655 — før 1708).
Son til Nils Tolleivson Ø. Maudal og Berita Gunleivsdtr. (N. Maudal).
3. Astri Rasmusdtr. (U-Berge).
4. Anna Rasmusdtr. (U-Berge).
5. Marita 1. Rasmusdtr. (U-Berge).
6. Marita 2. Rasmusdtr. (U-Berge).
Av II. gifte:
7. Anders Rasmusson (U-Berge), (*1677 — 1702 grl. 1/10), grl. «Asbjørn Berges steson».
Etter manntal 1701 var han «24 år» og «steson til Asbjørn Rasmusson U-Berge» og han «tener i Årdal sokn» (kanskje på Byrkja?).
8. Gunhild Rasmusdtr. U-Berge, (16.. — 1711 grl. 11/10). Gift 1708, trul. 11/11 med Jens Rasmusson (Erevik) U-Berge, Haga i Høyland, (*1682/85/86 — ).
Son til Rasmus Halvarson Erevik og Anna?
Jens vart gift II. (1712) med Tora Tormodsdtr. (Lerang). Jens og Gunhild fekk bruk IIA2 etter mor hennar.
Då Rasmus II. Person på dette bruket, IIA, døydde i 1677, vart bruket delt i to partar: Sona-(eller barne-)parten IIA1, og enkjeparten IIA2. Eldste sonen Per Rasmusson og deretter eldste sonen hans, Ingebret Person sat på bruk HAL Den nye mannen til Rasmus II. si enkje, Asbjørn Rasmusson, og deretter mannen til enkja si dotter med Rasmus II. Person, Jens Rasmusson frå Erevik hadde bruk IIA2.
I to generasjonar var såleis bruk IIA todelt. Men så samla Per Ingebretson, son til Ingebret Person på bruk IIA1, begge halvpartane til eit nytt bruk IIA. Det var eldste mann av ætta på Toreparten som såleis vart sitjande på heile bruk IIA som rett og rimeleg var den tida. |
Slektstavle til 
1614 - Før 1677 (62 år)
Has ingen aner men 371 etterkommere i Familietreet.
- Før 1676
[1] 
