Navn |
Ole Andreas Hallaråker |
Fødsel |
27 Feb 1923 |
Kjønn |
Mann |
Død |
1 Apr 2000 |
Stavanger, Rogaland, Norway |
|
Ole Andreas Hallaråker (1923-2000) - Dødsannonse i Dalane Tidende, mandag 3. april 2000 Min inderleg kjære mann og beste ven,
vår umissande far, svigerfar,
morfar og farfar, bror, svoger og onkel
Ole Andreas Hallaråker
vart brått henta heim til Gud i dag, 77 år gammal.
SiR/Nærbø, 1. april 2000
Sårt sakna
Gudrun Sofie
f. Tollefsen
Eli Sofie - Rune
Marit - Frode Gabriel
Svein Arild - Inger
Ole Henrik - Grete Iren
Liv, Øystein, Sigurd, Ole Gabriel, Torbjørn,
Gaute, Marta, Bjørn Emil, Ingrid, Astrid,
Olaug Sofie, Ommund Andreas, Ole Gunnar
Gravferd frå Nærbø kyrkje fredag 7. april kl 1300. |
Begravelse |
7 Apr 2000 |
Nærbø kirke, Hå, Rogaland, Norway [1] |
Minneord / Nekrolog |
10 Mai 2000 |
|
Ole Andreas Hallaråker (1923-2000) -Minneord i Dalane Tidende, onsdag 10. mai 2000 Ole Andreas Hallaråker er død
Ole Andreas Hallaråker har ikkje gjennom heile sitt 77-årige liv vore sjuk, men brått og uventa fekk han hjarteinfarkt og døydde på Sentralsjukehuset i Rogaland om kvelden laurdag 1. april.
Ole A. Hallaråker var fødd på Hallaråker på Bømlo 27. februar 1923. Han voks opp i ein stor syskenflokk, dei var ni sysken. Etter at han var konfirmert, følgde han opp vanlege plikter for den oppveksande slekt i bygda og var med på fiske. Det var ei strevsam tid både for vaksne og for ungdom som ville arbeida aktivt for å skapa seg ei framtid. Det var vanskeleg å få seg arbeid, og det var heller ikkje enkelt å finansiera utdanning. Krigstida stoppa òg alt av framtidsplanar.
Det fyrste steget mot utdanning for ein lærehungrig ungdom kom ikkje før etter krigen, med bibelskule på Randaberg. Så kom realskulen i 1946/47, og den måtte han til Flekkefjord for å få. Det seier og litt om denne tida sitt utdannings-tilbod. Skulen var 3-årig, men småbrukar- og fiskarsonen gjennomførte skulen på eitt år.
Landsgymnaset å Voss var neste mål, og så bar det til Stord offentlege lærarskule, der han avslutta si lærarutdanning i 1955.
Hallaråker hadde eit vidt interessespekter. Han tok tilleggsutdanning i forming, kristendomskunnskap og spesialpedagogikk. Vidare tok han dg engelskkurs.
Etter si fyrste lærarstilling i Brekke i Gulen kommune, flytte familien til Onarheim sokn på Tysnes, der Hallaråker var lærar ved Tveit skule i fire år.
I 1960 kom familien til Nærbø, og Hallaråker har hatt si lærarstilling ved Bø skule resten av alle sine yrkesaktive år.
Hallaråker sine spesielle interessefag gir i grunnen eit godt bilete av personen, interesse for skule og kyrkje var ein viktig del av hans identitet. Han var ein pliktoppfyllande og trufast skulemann som ikkje berre interesserte seg for den teoretiske sida ved skuleutvikling. I sin personlege legning hadde han den enkelte eleven sitt ve og vel som det sentrale. Den grundige teoretikaren hadde omtanken for elevane som sitt kjennemerke.
Det var òg viktig for Hallaråker å gjera teneste i kyrkja. Skule og kyrkje var som ein heilskap for han. Klokkartenesta fylgde han frå Sogn via Tysnes til Nærbø. Her var han klokkar i 24 år. Han var glad i gudstenesta, og alle gudstenester var høgtidsgudstenester for han.
Hallaråker var interessert i lesing, og han var spesielt oppteken av teologisk litteratur. Han tenkte mykje, avviste ikkje så lett andre sine meiningar, og han hadde mange gode og sjølvstendige tankar. Gjennom andaktar og talar i mange samanhengar gav han vidare av det han arbeidde med.
Kollegaer, grannar og venner saknar han. Men størst er saknet for kona, Gudrun, fire barn og 13 barnebarn.
Me lyser fred over hans minne.
Åsvald Solheim |
Person ID |
I22133 |
Servan Homme |
Sist endret |
1 Des 2023 |