Sissel Stålesdatter Røyseland

Andre Hendelser og Egenskaper:

• Kort Biografi: Ånen Kjetilson var fødd på vestre Fosdal 1604. Han er nemnd på Hjelleset i 1630 og frametter. Under koppskatten i 1645 betaler Ånen for seg, kona og 2 "piger". Han skulle vera ein svært driftig mann. Det er fortalt at han var så tidleg ute på slåtten om morgonen at ei tenestejenta han hadde, kunne lite sjå vegen når dei gjekk av Lian, men laut gå etter gloa som lyste frå pipa av Ånen. Hjelleset var på hans tid rekna i 1 1/4 hud i skyld. Han eigde det halve, men brukte også det andre halve, som han leigde. Leigegodset skifta eigarar av og til. I 1664 var det Evert Modal og Wermund Borhommen, Kvinesdal, som eigde halve Hjelleset. I 1668 makeskifta Osmund Ansteinson Modal til seg 1 hud i austre Ersdal, mot 1/2 hud i Modal og 3 3/4 eng. i Hjelleset. Ånen la seg etter å kjøpa inn gardar også i andre bygder. Ved skiftet etter han i 1668 har han ein heil drøs. Kona heitte Sidsel Stålesdotter. Dei hadde seks born, tre gutar og tre jenter. Det var: Kjetil, Ståle, Lauritz (Lars), Turid, Siri og Joren. Tre av borna var gifte: Kjetil, Turid og Siri. I skiftet blir det gjort greie for kva dei har fått i bryllaupsgjerd. 2 kyr, 2 ungnaut, 1 kyrlaug smaler, 1 sengeklede, 2 kvitlar, ei 2 1/2 notungs gryte, 3 tønner malt. Dette er verdsett til 24 Rdr. Men dei har også fått: 1 kopparkjel for 14 Rdr., 1 dyne for 3 Rdr., 18 alen vadmål for 1 1/2 Rdr. Og i pengar 2 1/2 Rdr. Ved skiftet eigde Ånen: halve Hjelleset, heile Modalsli, Stangborli, 2 eng. i Budal, og 6 eng. i Meberg på lista. Det siste var pantsett for eit "leiermål" Ståle hadde kome ut for. Ei tid hadde Ånen også ein part i Homma, som han skatta for. Denne var nå seld. Ein merker seg dei dyre koparkjelane til 14 Rdr. Det var 4-5 kyrsverd i den tid. Under skiftet fekk Kjetil 5 eng. i Hjelleset og Siri dei andre 2 1/2 eng. Mora skulle framleis rå for leigegodset, halve Hjelleset, som Evert Modal eigde. Ståle og Lauritz fekk kvar sine 6 3/4 eng. i Modalsli. Turid fekk dei 2 eng. i Budal og resten i pengar. Fire år tidlegare, under manntalet 1664, var Kjetil einaste mann i Modalsli. Nå ville han heller flytta til Hjelleset. Lauritz blei buande i Modalsli, og han er Stamfar til Ola-ætta på Modalsli. Ståle Ånenson kom også til Hjelleset att. Dei har nok seinare løyst inn leigegodset i Hjelleset, så heile garden kom over til Ånensætta. Ståle hadde bare ein son, Ånen Ståleson. Han blei g. m. Akt Olsdotter Nuland og flytta til Nuland. Far hennar, Ola Torjusson, var bygselmann under Sokndals kyrkja, og Ånen leigde også ein part i Nuland. Ånen døydde alt i 1711, og Alet blei g. m. Asbjørn Nilsson Rannestad. Det var ikkje born verken i fyrste eller andre ekteskap. Ståle sine fem døtrer var: Ingeborg, g. m. Halvor Sigbjørnsson Sporkland, budde i Modalsli; Bodel, g m. Jon Olson austre Fossdal (Rugebakken); Siri, Sidsel og Ingeborg d. y. var ugifte under skiftet. Sidan Ånen Ståleson døydde barnlaus, selde systrene garden på Hjelleset til Rolluf Knutson i 1725. Alle desse systrene og deira menn skreiv under dette skøytet. - Bygdebok for Gyland - Gards- og Ættesoga, Nuland, Lars Fr., (Flekkefjord Historielag, 2008), Side 425.

Familie/Ektefelle/partner: Ånen Kidelsen Fossdal. Ånen (sønn av Kidel Ånensen Fossdal og Joren Fossdal) ble født ca. 1604 , Vestre Fossdal, Gyland, Vest-Agder, Norway; døde 1668, Hjelleset, Gyland, Vest-Agder, Norway. [Gruppeskjema] [Familiediagram]